|
اوخشاما
اوخشامالار اؤلوم و تراژدی ایله باغلی یانیقلی ، نیسگیللی شعرلردیر . بونلار عوموما یاس مراسیمینده اوخونار . بیر پارا آغیلار فورم باخیمیندان بایاتی كیمیدیر و اونو بایاتیدان آییران جهت ایسه اونون غملی، كدرلی مضمونودور. آغیلارین بیر سیراسی ایسه نثز پارچالاریدیر مثلا وفات ائدن دؤیوشكن گنج اوغلان اولورسا آغینین باشلانقیجیندا بئله سؤزلر اوخویارلار: وئردین ، دوشمنینه دیرسك گؤستردین ، قنیمینینه قان اوتدوردون، …. آلتی نین بئدوو آتینا ، چیینی نین سوزن توفنگینه، تركی نین خورجونونا، آغزینین كسرلی سؤزونه آنان قوربان یا خود تزه گلینه بوخچادا قالان پالتارلاریوا آنان قوربان دده قورقود كیتابیندا دا آغیلارا راست گلمك اولور، وای آل دوواغیم ییه سی وای آلنیم باشیم اومودو وای شاه أیگیدیم دویونجا اوزونه باخمادیغیم خانیم أیگیت هارا گئتدین،منی یالقیز قویوب؛ جانیم أیگیت . گؤز آچیبان گؤردوگوم، كؤنول وئریب، سئودیگیم بیر یاسدیقدا باش قویدوغوم یولوندا اؤلدوگوم،قوربان اولدوغوم وای قازان خانین ایناغی، وای قالین اوغوزون ایمرنجیسی بئیرك. باشقا اؤرنكلرآغاجدا خزل آغلار،دیبینده گوًزل آغلار.بئله اوغلو اؤلن آنا،سرگردان گزر آغلار
كوچه ده خونچا گئدر،ایچینده نیمچه گئدر.عالمین گولو گئتسه،بیزیمكی قونچا گئدر.
آغلایان باشدان آغلار ،كیپریكدن ،قاشدان آغلار،قارداشی اؤلن باجی،دوروب،اوباشدان آغلار.
هر یئرده دومان گوًرسم،غوصه یه یانان گوًرسم،اورك یانار،آلیشار،اوجا بوی جاوان گوًرسم.
قیزیل گول كولدا قالدی،درمه دیم كولدا قالدی.دوشمن ائوین ییخیلسین،گوًزلریم یولدا قالدی.
گوًرونن داغلار ایمیش،اوستونده باغلار ایمیش.آنا بالادان آیری،نه یامان آغلار ایمیش.
گوًزوم قالدی یولوندا،قان دوردو ساغ –سولوندا.بالا آنان اؤله یدی،یارا واردیر قولوندا.
آهولار تك ملرم،اوزه قان یاش الرم.قانا باتمیش بلگین،گاه آچیب،گاه بلرم.
هیجرینده آغلارام من،عالمی داغلارام من.اوتاغیوین قاپیسین،هی آچیب،باغلارام من.
بولبول گولشنه گلدی،نه گلدی ،منه گلدی.منی گوًرنلر دئییر:اوغولسوز ننه گلدی.
داغلار داغیمدیر منیم،غم اویناغیمدیر منیم.دیندیرمه قان آغلارام،یامان چاغیمدیر منیم.
كؤینگیوی یومارام،ایسلاتمارام،یومارام.بوش یئریوی گؤرنده،گؤزلریمی یومارام.
عزیزیم اولو داغلار،چشمه لی ،سولو داغلار.بوردا بیر ایگید اؤلوب،گوًی كیشنر بولود آغلار. میاندابدا ثبت اولان آغیلارمن اؤلدوم آغلاماقدان، باغا سو باغلاماقدان. باغدا یارپاق قالمادی یاراما باغلاماقدان
اوتای بوتایا باخار ، آراسیندان چای آخار. چیخسین منیم گؤزلریم سنسیز دونیایا باخار
آناسی یانار آغلار، حریفی قانار آغلار. آنا دئییر گؤورچین تابوتا قونار آغلار .
قایناق:تورک خلق ادبیاتی - یازان: علیرضا صرّافی
نظرات شما عزیزان: حسن حکمتی زاده
 ساعت19:59---30 بهمن 1391
سلام اقاجان من از سن 7 سالگی علا قه ی زیادی به مداحی خواندن نوحه دارم والان درسن 12 سالگی به شکر خدا کاملا نوحه خواندن را بلدم نوحه هاتون عالی
پاسخ:سلام،مرسی لطف دارین،موفقیت روزافزون روبراتون آرزومیکنم elgar
ساعت11:36---11 دی 1391
سلام داداش جون
خوبی ای ول مطالبت توپه حرف نداره |+| نوشته شده توسط سولدوزلو در شنبه 9 دی 1391برچسب:ندای آذربایجان,اوخشاما,تورک ادبیاتی,آذربایجان,بایاتی,دده قورقود,سولدوز,نقده,azərbaycan,نیسگیللی شعرلر,اشعارغم انگیزترکی,, و ساعت 
|
 * * * * الله یا معين الضعفا * * * *
لوگو و بنر دوستان
 |
